Tocynnau Crwydro

Lleoedd hanesyddol i'w harchwilio yn eich amser eich hun.

Castell Conwy

Castell Conwy

Wrth gynllunio'r gwyliau perffaith, mae rhywfaint o hyblygrwydd bob amser yn beth da. Pwy a ŵyr beth fydd ar droed neu pa fath o dywydd fydd hi? Rydyn ni yng Nghymru wedi'r cwbwl.

Un peth y gallwch ddibynnu arno yw tocynnau crwydro 3 neu 7 diwrnod Cadw. Mae'r tocynnau'n cynnig gwerth gwych am arian ac yn rhoi rhwydd hynt i chi ymweld â'r cyfoeth o atyniadau hanesyddol sydd gan Gymru i'w cynnig. 

Mae’r tocynnau’n galluogi grwpiau i grwydro dwsinau o atyniadau hanesyddol Cadw (mae’r manylion llawn isod), a’u helpu i gael y gorau o’u hymweliad â Chymru.

Gellir defnyddio'r tocyn 3 diwrnod mewn unrhyw gyfnod o 7 diwrnod a'r tocyn 7 diwrnod mewn unrhyw gyfnod o 14 diwrnod. Po fwyaf y defnyddir y tocyn, y mwyaf fydd yr arbedion. Gallwch chi, fel trefnwyr teithiau, ennill hyd at 25% mewn comisiwn hefyd.

Mae'r Tocynnau Crwydro ar gael i'w gwerthu gan gwmnïau naill ai fel tocynnau crwydro i un oedolyn, dau oedolyn neu deulu.

Mae prisiau manwerthu a masnach fel a ganlyn:

Prisiau Manwerthu

                                          UN OEDOLYN      DAU OEDOLYN       TEULU*
TOCYN 3 DIWRNOD                   £21.00               £33.00             £44.00
TOCYN 7 DIWRNOD                   £32.00               £51.00             £62.00

Pris masnach

                                          UN OEDOLYN       DAU OEDOLYN       TEULU*
TOCYN 3 DIWRNOD                 £15.75                £28.00               £33.00 
TOCYN 7 DIWRNOD                 £24.00                £38.25               £46.50

*2 oedolyn a hyd at 3 plentyn/ŵyr neu wyres o dan 16 oed.

Atyniadau Hanesyddol sy’n derbyn ac yn gwerthu Tocynnau Crwydro

  • Abaty Glyn y Groes
  • Abaty Tyndyrn
  • Abaty Ystrad Fflur
  • Capel y Rug/Hen Eglwys Plwyf Llangar
  • Castell Biwmares              
  • Castell Caerffili
  • Castell Caernarfon                                      
  • Castell Cas-gwent    
  • Castell Cilgerran      
  • Castell Coch    
  • Castell Conwy        
  • Castell Cricieth              
  • Castell Cydweli          
  • Castell Dinbych               
  • Castell Harlech            
  • Castell Oxwich
  • Castell Rhaglan
  • Castell Rhuddlan
  • Castell Talacharn
  • Llys a Chastell Tre-twr
  • Llys yr Esgob Tyddewi
  • Plas Mawr, Ty Trefol o oes Elisabeth

Atyniadau hanesyddol sy’n derbyn Tocynnau Crwydro ond nad ydyn nhw’n eu gwerthu

  • Amgueddfa Cerrig Margam
  • Castell Carreg Cennen
  • Castell Dolwyddelan
  • Castell Weble

I gael rhagor o wybodaeth, ffoniwch 0300 0256000 neu e-bostiwch cadw@cymru.gsi.gov.uk. Sylwch nad yw’n bosib prynu tocynnau Crwydro ar-lein ar hyn o bryd.